Tug'ish hikoyalari - 4(yakunlandi)

Cалом! мен ўзимнинг "Муддат" деб номланган ҳикоямни тақдим этмоқчиман. Ўйлайманки. бу ҳикоям сизларга яқоди ва мен бу сафарги танловда ғолиб бўламан.
Ҳар бир гўдак бу дунёга келар экан, ўз туғилиш тарихига эга бўлишини мен ўзимнинг иккинчи фарзандим, яъни ўғлимни дунёга келтирганимда англаб етдим.
Ҳомиладорлигимнинг сўнгги ойларида УЗД текширувига бориб, туғиш муддатини сўраганимда шифокор 25 май дея аниқ қилиб айтганда, айнан ўша куни кўзим ёриши мумкинлигини эса ҳеч ҳам ўйламагандим. Чунки биринчи фарзандим қизимни муддатидан олдин туғганимгами, буниси ҳам белгиланган кунга етиб бормайди деган хаёлда юрардим. Аммо кунлар ўтиб борар экан, шифокор айтган ўша кун яқинлашарди. Аммо негадир мен 25 май куни фарзандимни илк бора бағримга оламан деб ўйламасдим.
2017 йилнинг 24 май куни кеч пайт ухлаш учун ўрнимга ётганимда, илк бора туғруқ оғриғи бошланганини сеза бошладим. Белдаги ва қовуқдаги секин-аста кучайиб борадиган оғриқлар билина бошланганди. Оғриқни кучидан тонг ҳам тезда отди. Аммо 25 май эрта тонгдан яна оғриқ бошланди. Кимга айтишни билмай ўзим билан ўзим курашиб юравердим. Негадир ўша куни қизим ҳам мазам бўлмаяпти ойижон, деб боғчага боришни хоҳламади. Турмуш ўртоғим ҳам майли мазаси бўлмаса уйда қолақолсин деб қизимни уйда олиб қолдик. Яхши ҳамки, туғруқ куним яқинлашиб қолганига қайнонам, ойижоним бизникида эдилар, қизимнинг инжиқликларини мен билан бирга баҳам кўрдилар.
Соат 10-11. Оғриқ секин-аста кучаярди. Шунда ойижонимга айтишга қарор қилдим. Улар ҳам безовталаниб, “юриб туринг қизим, тезроқ қутилиб оласиз” деб мени кўпроқ ҳаракат қилишга ундардилар. 25 май – барча мактабларда сўнгги қўнғироқ чалинадиган кун. Мен, ойижоним ва 3 ёшли қизим билан кўчага айланишга чиқдик ва уйимизнинг ёнгинасида жойлашган мактабда бўлаётган тадбирни томоша қилишга кирдик. Битирувчиларнинг шўх-шодон уйин-кулгуси бўлаётган бир пайтда мен ичимдаги туғруқ азобларини енгишга ҳаракат қилардим. Оғриқ борган сари кучайиб борарди.
Кун давомида уй ишлари билан банд бщлишга ҳаракат қилдим. Қайнонам газга чой қўйиб вақиллатиб қайнатиб қўйинг, тезроқ йўллингиз очилади, қутилиб оласиз деганларига ҳам риоя қилиб, анча вақтгача човгумда сув вақиллаб қайнаб турди. Балки момо-бувиларим қилган ирим-сиримлар таъсириданми, оғриқ оралиғи янада тезлашиб кетди. Аксига олиб айнан ўша куни ишхонамда декрет пулингизни олиб кетинг деб бухгалтериядан телефон қилишганди. Мен оғриқда қандай қилиб бориб келаман, деб турмуш ўртоғимга ишончнома ёзиб бергандим. Бош бухгалтеримизнинг қайсарлигими, турмуш ўртоғимга пулни беришмабди. Шунда улар кассиримизни ўзлари билан уйга олиб келдилар. Кечки соат 16.30ларда кассиримиз менга пулни ташаб қўл қўйдириб, энди мен уйимга қандай кетаман деб туриб олди. Мен оғриқдан унга бақириб юборишдан ўзимни зўрға тутиб турарди. Турмуш ўртоғим уни бекатгача кузатиб келдилар. Унгача мен қачон келар экан деб асибийлашиб ўтирардим. Чунки ўша пайтда уларнинг ғамхўрлигигами ёки ёнимда бўлишига жуда хоҳлаётган эдим. Соат 17дан ошганда турмуш ўртоғим ниҳоят ишларини битириб келдилар. Бўлдими, кетамизми, машина обкелайми деб қолдилар. Назаримда, энди улар ҳақиқатда мени яқин соатларда туғишим мумкинлигини ҳис қилдилар шекилли. Кетишим олдидан қайнонам “қизим овқатланиб олинг, сизга ҳали куч керак” деб менга мажбурлаб овқат ичирдилар.
Соат 17.30.да биз ҳаммамиз уйдан чиқдик. Турмуш ўртоғим уйимизнинг олдига машина гаплашиб келган эканлар унга чиқиб туғруқхонага етиб олдик. Мен туғруқхона қабулхонасига кириб кетдим. Шифокорлар текшириб кўриб, “ўзи тайёр, пишириб кепсизку, яқинда туғисиз “ деб қолишди ва мен бу хабарни уйдагиларга етказиб туғруқ залига кириб кетдим. Ҳақиқатдан ҳам буёғи жуда тезлашиб кетди. Жуда қаттиқ ва кучли оғриқлардан иборат 30 дақиқадан сўнг, сота 18.00да ўғилли бўлдим. Ўша пайтда ёнимдаги шифокору ҳамшираларнинг берган ёрдамлари ва мени яна бир бор она бўлишимга ҳиссаларини қўшганлари учун уларга қайта-қайта раҳматлар айта бошладим. Албатта, аввало барчасини қўллаган Худойимга беҳисоб шукурлар қилиб йиғлаб юбордим. Шифокорлар эса мени чалғитиш мақсадида ҳали исмимни сўрар, ҳали уйда яна фарзадларим борлигини сўрашар эди. Илк бора иккинчи фарзандимни бағримга қўйишганида ўша ҳаяжон, ўша мен кутган кунлар эсон-омон келганига шукурлар қилдим. Аммо ўша пайтда фарзандимнинг қандай жинсда эканлигига шифокорлар ҳам аввалига эътибор беришмади. Мен ҳам кутиб-кутиб сўнгра ўзим сўрашга мажбур бўлдим. Улар “ўғил, албатта” дейишди. Шунда мен турмуш ўртоғимни орзуларини ушалтирганимдан яна бир бор хурсанд бўлдим.
Шундан сўнг турмуш ўртоғим минг ҳаяжон билан олдимга келдилар. Оғизларидан ҳаяжон билан чиққан “яхшимисан” деган сўзлари мени яна йиғлашга мажбур қилди. Албатта, бу қувонч ва ҳаяжон кўзёшлари эди. Улар ҳам йиғлашдан зўрға ўзларини тутиб турардилар. Ундан сўнг қайнонам келдилар. Улар мени “раҳмат қизим”, деб юз-кўзларимдан ўпиб қўйдилар. Уларнинг қувончлари, биринчи ўғил невараларини туғилишида ёнимда бўлганликларидан хурсандликлари шундоқ билиниб турарди.
Хуллас, ўғлим, мени яна бир қувончим, ширинтойим Абдулазизим ана шундай дунёга келди. Бизнинг оиламиз яна бир кишига кўпайди. Бизнинг авлодимиз давомчиси, турмуш ўртоғимнинг орзуси Абдулазизим ҳозир беш ойлик бўлди. Мен бундай қувончи, яна такрор ва такрор айтишим мумкинки, барча барча аёлларга тилайман. Ўғилми-қизми ўз муддатида, соғлом фарзанд кўриш барча аёлларимизга насиб қилсин. Оналик бахтидан ҳеч ким бенасиб қолмасин. Зеро бу бахтнинг ўрнини ҳеч нарса боса олмайди. Бахтимизни оналаримиз ва болаларимиз соғ бўлишсин!

Hikoyalar bu yerga yozimlaydi. Bu konkurs shartlari sahifasi.

Ezozaxon men 9 ta hikoya sanadim. Qolgani oldingi konkyrsga oid. Adashsam uzr, lekin 2017 aprel oyidan so'ng hozircha faqat 9 ta hikoya

Muyassarhon yangi mavzu ochib Tug'ish hikoyalariga hikoyangizni ko'chirib qo'ysangiz ovoz berishni boshlaymiz.

Goliblar:

1-o'rin LILY
Chaqaloq uchun o'yinchoqlar, xalta, ko'krak suti uchun tagliklar.

2-o'rin Ezozaxon
Chaqaloq kiyimlari uchun xalta, ko'zgu, ko'krak suti uchun tagliklar.

3-o'rin SEVARUSHKA
Chaqaloq kiyimlari uchun xalta, ko'krak suti uchun tagliklar.



Afsus, Zarinabonuga ovoz bergan qizlar, Gulilolam, Mumtozmahalbegim va Kichkina Malika iltimos qilganimdeb bir izoh qoldira olishmagani uchun ularning haqiqiy ekanliklarida shubha tug'ildi. Shuning uchun ularning ovozlari qabul qilina olmadi.

Lily Manzura Sevara chin qalbimdan tabrikliman. Goliblik muborak