Uzbaby.uz-2016(YAKUNLANDI)

uzbaby wrote: Eng tili shirin,mehribon foydalanuvchi nominatsiya g'olibiga Innisfree Korea kosmetik vositalari, kir yuvishda ishlatiladigan nafis is taratuvchi qo'shimcha, sumka-halta

Oymomo wrote: Kelajak avlod ta'lim-tarbiyasi bilan band mendek o'qituvchini shu sentabr oyida kechiringlar. Endi har kuni sizlar bilan birgaman.

Oymomo wrote: Assalomu alaykum, qadrdonlarim! Fursatdan foydalanib o'z ovozimni taqdim etaman:
1. Eng ZO'R foydalanuvchi (nominatsiyalar orasidagi eng yuqori mavqe'ga ega) - Muslima (Durdona bu yil faqatgina o'z mutaxassisligi bo'yicha maslahat berib qolmay, taom tayyorlash, oilaviy masalalarda izoh qoldirishda va konkurslardagi ishtiroki bilan faol bo'ldi. Ayniqsa, bizning tayyorlagan o'yinchoqlarimizga befarq bo'lmagani meni juda ham xursand etdi. Shu o'rinda yana bir bor Durdonaga rahmat aytaman)
2. Maslahatchi foydalanuvchi (uning maslahatlari juda kerak bo'lgan) - Samira (Opajonimiz har safar ishdan ortib kirib, izohlarga bee'tibor bo'lmaydilar va nafaqat savol egasi, balki barcha forum ahliga o'z qimmatli maslahatlarini beradilar. Men ularning izohlarini Dinara opamizning forum yaaangiligida yozgan izohlariga o'xshataman. Opajonlarim, qo'llaringiz dard, beg'ubor ko'nglingiz gard ko'rmasin)
3. Eng pazanda, qo'li gul foydalanuvchi - Pazandaxon (bu borada so'zsiz Pazandaxonni tilga olmay iloji yo'q. Har bir masalliqni o'z o'rnida qo'llab, chiroyli suratlar va izohlar bilan o'z taomlarini taqdim etuvchi pazanda dugonamizga olqishlar aytaman)
4. Eng tili shirin, mehribon foydalanuvchi - Zahroxon (ko'ngil olish, hol-ahvol so'rashda, bayram va tug'ilgan kun bilan tabriklashda Mahliyo bizni mahliyo aylagan. Farzandlaringizning rohatini ko'ring, dugonajon)
5. Eng xushchaqchaq foydalanuvchi (uning izohi dilimni yoritib turadi) - Oyishanur (albatta Oydin quvnoq hazillar qilib bizni kuldirmasa-da, ularning samimiyatga va mehrga to'la izohlari qalbimizni yoritadi. Oydin, qalbingiz va yo'llaringiz hamisha oydin bo'lsin)