Somsa turlari

Yasmin somsa

Masalliqlar:
1 piyola suv
1ch.q.tuz
1 dona tuxum
200 gr margarin
3,5-4 piyola un
400gr tovuq qiymasi(yoki mol go'shti)
4 dona piyoz
tuz,ziravorlar
Tayyorlash:
1 piyola suvga tuxum,tuz, eritilgan margarin,un solib yaxshilab mushtlab xamir qilamiz.2ta zuvala yasab,30 daqiqa xolodelnikka qo'yamiz.
Tingan zuvalani o'rtacha yupqalikda yoyamiz.
Xuddi manti xamirini kesgandek to'rtburchak shakl kesib olamiz.

bbva compass open hours
Farsh solib rasmdagidek tugib chiqamiz👆 ("Xamir ovqatlar" mavzusida Gulli chuchvaram ham xuddi shunday tugilgan)
Somsa yuziga tuxum sarig'i surtib,kunjut yoki sedana sepamiz.
180 gradusda 35-40 daqiqa pishirib olamiz.

Somsa tayyor!
Bu masalliqdan 28-30dona somsa chiqadi.

Рахмат Пазандахон. Энди тушундим. Мен хонимни урагандай ураб қиламан. Бу усул хам яхши экан.

Qozon somsa

Qozonda somsa tayyorlash-duxovkasi yo'qlar uchun ayni muddao bo'lsa,chet elda yashab o'zimizning tandir somsani sog'inganlar uchun esa xaqiqiy sovg'a.
Masalliqlar 22-25dona somsa uchun:
300ml suv(1stakan)
1ta tuxum
1osh q.tuz
500-600 gr un
100gr margarin+2osh q.qo'y yog'i
300gr qo'y go'shti
3 dona piyoz
tuz,zira
Tayyorlash:
Tuzli suvga tuxum,un qo'shib 10daqiqa mushtlab, o'rtacha qattiqlikda xamir qoramiz.
20 daqiqa dam oldirib,2ta zuvalaga ajratamiz.
Orada margarin va qo'y yog'ini birga eritib,sovutib olamiz.

1-zuvalani o'rtacha yupqa yoyamiz. Margarin surtib biroz qotgach xamirni zich qilib rulet shaklida o'raymiz.
2-zuvalani ham yoyib,margarin surtib,ustiga 1-ruletni qo'yib zich o'raymiz.

nearest gas station around here
Ustiga selofan yopib 3-4 soatga xolodelnikka yoki 1soatga muzxonaga qo'yamiz.
Xamir ruletni 2,5-3sm kesib chiqamiz(oddiy uchburchak somsadan kattaroq).
Dumaloq shaklda cheti yupqaroq,o'rtasi qalin yoyamiz.
Ichiga nachinka solib tugamiz.

Nachinka:
qo'y go'shti +piyoz, tuz,zira (xoxishga qarab 1osh q.qo'y yog'i)
Gazni o'rtacha yoqib qozonni qizdirib qo'yamiz.
Somsa yuziga tuxum sarig'i surib,kunjut va sedana sepamiz.

Somsa tagini esa tuxum oqiga botirib qizib turgan qozon devoriga yopishtiramiz(qo'limiz bn biroz ushlab turamiz).
Qozonni tagiga taqab yopishtirmang, somsa kuyib ketishi mumkin.

Qozon katta-kichikligiga qarab 2qavat yopishtirsak ham bo'ladi.
Qozon qopqog'ini yopib, 5daqiqa olovni baland qilamiz.
Keyin o'rtadan past olovda 45-50daqiqa dimlab pishiramiz.
Xar 10-15 daqiqada qozon qopqog'ini ochib bug'ini chiqarib turamiz.
Somsalar tayyor.Yoqimli ishtaha!

Mani qozonim kichik bo'lgani uchun 9dona somsa sig'di.2martta dimlab pishirdim.Qolgan somsalarni esa duxovkada pishirdim.
Cho'yan qozonda pishirsangiz somsa tezda qizaradi,mazasi ham tandir somsadek kasur-kusur bo'lib chiqadi.

Pazanda opa retsept uchun katta rahmat.Qo'lingiz dard ko'rmasin.

Pazandaxon wrote: Qozon somsa

Qozonda somsa tayyorlash-duxovkasi yo'qlar uchun ayni muddao bo'lsa,chet elda yashab o'zimizning tandir somsani sog'inganlar uchun esa xaqiqiy sovg'a.
Masalliqlar 22-25dona somsa uchun:
300ml suv(1stakan)
1ta tuxum
1osh q.tuz
500-600 gr un
100gr margarin+2osh q.qo'y yog'i
300gr qo'y go'shti
3 dona piyoz
tuz,zira
Tayyorlash:
Tuzli suvga tuxum,un qo'shib 10daqiqa mushtlab, o'rtacha qattiqlikda xamir qoramiz.
20 daqiqa dam oldirib,2ta zuvalaga ajratamiz.
Orada margarin va qo'y yog'ini birga eritib,sovutib olamiz.

1-zuvalani o'rtacha yupqa yoyamiz. Margarin surtib biroz qotgach xamirni zich qilib rulet shaklida o'raymiz.
2-zuvalani ham yoyib,margarin surtib
Ustiga selofan yopib 3-4 soatga xolodelnikka yoki 1soatga muzxonaga qo'yamiz.
Xamir ruletni 2,5-3sm kesib chiqamiz(oddiy uchburchak somsadan kattaroq).
Dumaloq shaklda cheti yupqaroq,o'rtasi qalin yoyamiz.
Ichiga nachinka solib tugiladi
Nachinka:
qo'y go'shti +piyoz, tuz,zira (xoxishga qarab 1osh q.qo'y yog'i)
Gazni o'rtacha yoqib qozonni qizdirib qo'yamiz.
Somsa yuziga tuxum sarig'i surib,kunjut va sedana sepamiz.

Somsa tagini esa tuxum oqiga botirib qizib turgan qozon devoriga yopishtiramiz(qo'limiz bn biroz ushlab turamiz).
Qozonni tagiga taqab yopishtirmang, somsa kuyib ketishi mumkin.

Qozon katta-kichikligiga qarab 2qavat yopishtirsak ham bo'ladi.
Qozon qopqog'ini yopib, 5daqiqa olovni baland qilamiz.
Keyin o'rtadan past olovda 45-50daqiqa dimlab pishiramiz.
Xar 10-15 daqiqada qozon qopqog'ini ochib bug'ini chiqarib turamiz.
Somsalar tayyor.Yoqimli ishtaha!

Mani qozonim kichik bo'lgani uchun 9dona somsa sig'di.2martta dimlab pishirdim.Qolgan somsalarni esa duxovkada pishirdim.
Cho'yan qozonda pishirsangiz somsa tezda qizaradi,mazasi ham tandir somsadek kasur-kusur bo'lib chiqadi.

Pazanda opa sizga o'z minnadorliginni bildirib o'tmoqchiman.Baraka toping shu retseptingiz bo'yicha bugun qozon somsa qildim siznikidek ko'rinishi ishtaxabop chiqmadiyu lekin mazasi 👍 chiqdi kasur-kusurlari xuddi tandir somsadek ekan .Kattakon raxmat.Oilam ham xursand bo'lishdi.

sevarushka wrote: Farida qollariz dard kormasin. Somsa biratola qozonda shunaqa qizardimi. Yo alohida qizartirib oldizmi?

:rah# Shoshilayotgan edim Yuza qismini oxirigacha qizarishigacha kutolmadim sal qizarganidan uzib olib duxovkaga 5-10 minutga solib oldim.
Sizdanham kutib qolamiz.🙂

Ҳаммани уйида бирин кетин қозон сомса пишиб чиқди-ёв! Менам қилдим, зўр бўларкан билмай юрган эканмиз. Духовканикини егим кемай қолди. Опамга мақтовдим опамам қилибди. Меникини бир тарафи камроқ қизарбди. Опамники бирам чиройли чиқибди-ки! Обедда қилгандим. Мантидан ортган зуваламни бир кун олдин ёғлаб обқўйгандим. 7тача чиқди. Тўймай қолдик. Кейин букунига кечга яна қилдим.Биринчи пиширганимда дадамиз уйга кириб кегандан бунча уй тутаб кетди деб кирди. Дастурхонга қўйиб қўювдим. Ҳайрон, қаердан келди дейди. Сотиволдингми деяй деса 2хил қизарганига ундай деб сўролмадикуя, ўзим пиширганимгаям ишонмади. Ҳозир тандирда ёпиб келдим дедим. Қаердан келди деб бир 3марта сўради ўзиям, кейин қозонда пиширдим дедим. Ҳа шунақа қилсаям бўларканми деди. Роса ёқди ҳаммамизга. Пазандахон, сизга катта рахмат!

post an image online

думалоғи меники, тўртбурчаги опамники

Тухумли сомсанинг хамирини мен бошкача усулда киламан.Рецептини сураганиларга хамирининг тайёрланишини хам ёзиб утаман.Факат хамири салгина купрок вакт кетадиди.Эринмасдан шу усулда тайёрласаларинг юмшоккина чикади.

Керакли маҳсулотлар
Ун, 500 гр
Сув, 250 мл
Туз, 15 гр
Маргарин, 150 гр
Тайёрланиши
Ун, сув ва тузни қўшиб яхшилаб хамир қориб, ёйиш мумкин бўлган даражада тиндирилади, тиниши учун 15-20 дақиқа қифоя қилади. Тинган хамирни жуда ҳам юпқа бўлмаган қалинликда ёйилади.
Ёйилган хамирни ярмига, маргаринни суртилади.
Маргарин сурилгач, хамирни юқоридаги бўш қисми билан, паст қисимини устига ёпилади.
Сўнгра иққи қаватли паст қисмини устига қайрилади, бу маргарин чиқиб кетмаслиги учундир.Энди икки ён тарафини ўртага тахланади.
Ва ниҳоят сўнгги босқичда чап бўлимдаги қатлам, ўнг тарафга тахланади, акси бўлса ҳам зиён қилмас.Шу тахланган хамирни пакетга солиб, 20-30 дақиқага музлатгичда тиндирилади. Тинган хамирни, босиб худди яна шундай ёйилади ва худди шундай тахланади аммо бу сафар маргаринсиз. Иккинчи марта ёйиб, тахланган хамирни яна 20-30 дақиқага музлатгичга қўйиб тиндириб қўйинг.

Ана енди сомсанинг ичига кетадиган масалликлар.
1 дона сомсага Тухум бир дона
Помидор бир бўлак
Таъбга кўра ошкўкат, туз ва қора мурч
Тайёрланиши
Одатда тухум пишгач бироз қуруқ бўлиб қолиши мумкин, қуруқ бўлиб қолмаслиги учун озгина қошиқ учида сариёғ ёки озроқ думба ёғ ёхуд илик ёғи солиб юбориш ҳам мумкин, албатта бу ихтиёрий.
Ёйилган хамирни одатдагидан фарқли равишда, бирон бир чуқурроқ идишга қўйиб, ўртасини бироз ўра қилиб оламиз. пиёлами, стаканми, бокалми бўлса, шулардан фойдаланишингиз мумкин.мен пиёла ишлатдим.
Ўрага яъни хамир ичига аввал тухумни чақиб солинг, сўнгра майда кубик шаклида тўғралган помидор ва ошкўкатни соласиз, туз ва қора мурчни таъбингизга кўра сепасиз.Тугиш ва тухум чақишда бироз диққатлироқ бўлинг, имкон қадар хамир четларига тухум томчиси тушмаслиги лозим, акс ҳолда хамирингиз ёпишмаслиги мумкин. Агарда томчилаган бўлса ҳам, ҳафсалани пир қилиб, ярим йўлда қолиб кетмайсиз, ўша тушган тухум томчисини артиб юбориб, устига номига ун сепиб қўйсангиз, муаммо ҳал бўлади. Тугилишда пиёладан хамирни олмасдан, бир четдан хамирни четларини ёпиштириб, юмалоқ шаклида тугасиз.
Хамир учи жамланган, яъни тугилган қисмини яхши ёпиштирилиб тугилганига янада ишонч ҳосил қилиш учун бироз қаттиқроқ босиб ёпиштириб қўйинг. Чунки пишиш вақтида тугилган сомсалар шишиб, очилиб кетиши мумкин.Тугилган сомсаларни одатдагидек, устига тухум суртиб,кунжут сепиб пищириб оласиз.Ёкимли иштаха.

Retsept uchun raxmat kotta

Assalomu aleykum qizlar yaxshimisizlar,
Tayyor xamirdan somsa qilib ko'rganlar bormi? Qanday chiqarkin?
Shu kunlarda kichkinam bilan surpa yoyish mushkul ish bo'lib qoldi.....
Shunga tayyoridan ishlatib ko'rmoqchi edim

Meni oyimlari magazinida bor edi. Bir ishlatgandim uylariga borganimda. Yaxshi bo'lgan qat-qat bolib chiqqandi.

Lekin uni xam xar xili bolsa kerak menimcha

Men o'zim tayyorlab ko'rmaganmanu lekin katta ovsinim tayyorlab ko'rgan yaxshi bo'ladi deb aytgandi.Muyassar bir tajriba qilib ko'ring.Natijasini aytarsiz a o'rgiliy 🤗

Qizlar bugun tayyor xamir olib somsani qilib ko'rdim, juda mazali chiqdi, xamiri qat qat bo'larkan
2 xil qildim, qovoqli, go'shtli