Asaxiy Books da chiqqan Djordj Oreulning "1984" nomli kitobini ko'pchilik biladi. Ko'pchilik o'qigan ham. Bu kitob dunyoda bestsellerlardan xisoblanadi. Kitobning zo'r maqsadi bor. Uni chet elda o'smirlar o'qiydi. Maktabda o'qituvchilar tavsiya qiladi. Lekin bu post bu kitob haqida emas. Aynan mana shu maqsadga ega boshqa bir kitob haqida yozmoqchi edim. Bu kitob go'yo"1984" ni bolalar uchun yozilgan versiyasidek.
Men yozmoqchi bo'lgan kitob 10-12 yoshdan katta bolalar uchun. Maqsadi ham huddi "1984" niki kabi. Lekin bolalar tushunadigan tilda yozilgan. Juda oson o'qiladi, bolani o'ylantiradi. Bolada minglab savollarni yuzaga chiqaradi. Bu kitob kuchli emotsiya beradi va bola u haqida ota-onasi bilan gaplashmoqchi bo'ladi. Zo'r kitob.
Lois Lowry "The Giver". Unda siyosat yoki bola uchun tushunarsiz bo'lishi mumkin bo'lgan matnlar yo'q, lekin o'sha "tizim" bor, hamma uning qoidasiga amal qilishi kerak bo'lgan "tizim". Kitobda bu "tizim" bolalarning haqiqatlari orqali ajoyib emotsional tarzda yoritib bergan. Eng muhimi u 10-12 yoshli ba'zida undanda kichik yoshdagi bolani chuqur o'ylantiradi.
10-12 yoshida "The Giver" kitobini o'qigan bola keyinchalik "1984" ni o'qisa uning asl ma'nosini yaxshiroq tushunadi, deb o'ylayman. Kitobni o'qish oson, lekin u haqda mulohaza qilish, xulosalar chiqarish hammaga ham oson emas. Buning uchun bola kichikligidan tafakkur qilishga undovchi kitoblar o'qigan bo'lishi kerak. "The Giver" kitobi aynan shunday kitoblardan. Agar hurmatli Firuz Allaev shu kitobni O'zbekiston bolajonlariga o'zbek tilida taqdim eta olganlarida edi "1984" kitobini chuqur mulohaza qila oladigan kattalar ham ko'payar edi, deb o'ylayman. Albatta, bu bir taklif. Hammaning o'z rejalari bor.
Lekin qachondur "The Giver" kabi kitoblarni o'zbek bolajonlari ham o'qishlarini juda istardim. Rus yoki ingliz tilida o'qishni biladiganlar bolajonlar uchun #tavsiya qilaman.
