Tandirdan!
Amazonga rahmat. Yangi kitobim qo'limda.
Bu kitob illustrasiyalari ustida koreyalik ustozim rassom-illustrator boshchiligida ishladim.
Kitob uyatchan fil haqida. Uyatni yengish oson emas. Lekin u uddalaydi. Do'stlari yordami bilan uddalaydi.
Ushbu kitob bolajonlarga uyatni yengish uchun qo'llanma bo'la olsa, boshim osmonga yetadi.
Qizim maktabdan kelib stolda turgan unga tanish filni ko'rib xursand bo'lib ketdi. Bu fil kitobda paydo bo'lgunicha qizim bog'chani tugatib maktabga chiqishga ham ulgurdi.
...
Dinara Mo'minovaning yangi "Uyatchan fil" degan kitoblari meni judayam iftixorga to'ldirdi. Ortiqcha maqtashmas, kitob rostdan ham juda sifatli tayyorlangan. Rasmlari ham bolalar uchun juda shiringina usulda chizilgan, syujet ham qiziq, kitobdan olinadigan xulosa ham juda chiroyli. Bolalarim bilan birinchi o'qiganimizda qiziqib ikki qayta o'qittirishdi, 4 yoshli qizim esa: "Ayajon, men xoxlaymanki, bu kitobni kuniga ikki marta o'qib bering" dedi. Aynisa, kitobdagi salli-valli so'zini qayta-qayta o'qittirib xoxolab maza qilib kuldi. Yana bir yoqqan jihati, ertaklardagi kabi qaytalanish bor. Ya'ni, bir xil dialog yoki bir xil holat tartibi bilan sodir bo'ladi, xuddi tilla baliqcha 3 kun ketma-ket cholning bir xil mazmundagi so'roviga bir xil javob bergandek. Bolalarim ham shunisini sevdi. Takroriy so'zlarni yodlab ham olishdi. Kitob uchun kaaaatta rahmat!
